विराटनगर । ज्यान मार्ने उद्योग मुद्दाका फरार प्रतिवादी नेकपा एमाले निकट युवासंघ नेपाल उर्लाबारी नगर कमिटी संयोजक नितमचौहान पक्राउ परेका छन् । चौहानलाई आज मोरङको उर्लाबारीबाट पक्राउ गरेको मोरङ प्रहरी प्रमुख एसपी दीपक पोखरेलले बताए ।
२ मंसिरमा उर्लाबारी–६ मा रहेको तरल क्याफेमा दुई समूहबिच झडप भएको थियो । त्यस बेला उर्लाबारी–४ आइतबारेका कुमारलिम्बूको समूह र उर्लाबारी—६ का रजत थापा (मिथुन)समूहबिच झडप भएको थियो ।
पुरानो रिसिबीलाई लिएर धारिलो हतियारले आक्रमण गर्न खोजेपछि झडप भएको थियो । त्यस बेला तीन जना घाइते भएका थिए ।घटनामा संलग्नको भएको आरोपमा प्रहरीले एमाले उर्लाबारीका नगर उपाध्यक्ष कुमार लिम्बूसहित उर्लाबारी–५ का आशंक लिम्बु रउर्लाबारी–६ का रजत थापालाई पक्राउ गरेको थियो । चौहान फरार थिए । फरार चौहनलाई पक्राउ गरिएको प्रहरीले जनाएको छ ।
बुधवार जिल्ला सरकारी वकिलको कार्यालय मोरङमा इलाका प्रहरी कार्यालय उर्लाबारीले प्रतिवादीसहित अनुसन्धान प्रतिवेदन बुझाउनेतयारी गरेको छ । त्यसपछि सरकारी वकिलको कार्यालयले मोरङ अदालतमा अभियोग बुझाउनेछ । थुनछेक बहसपछि प्रतिवादीचौहानको हकमा अदालतले आदेश गर्नेछ ।
