ओखलढुंगा , ९ असोज । जबरजस्ती करणी गरेको आरोपमा सुनकोशी गाउँपालिका वडा नं–१० का ३५ बर्सिय वडा अध्यक्ष छविरमण धमलापक्राउ परेका छन् ।
जागिर लगाईदिने प्रलोभन देखाई धमलाले सोहि वडा बस्ने एक २५ बर्सिय महिलालाई जबरजस्ती करणी गरेको उजुरीका आधारमा पक्राउ गरिएको हो
आफूलाई जबरजस्ती करणी गरेको भन्दै असोज ५ गते जिल्ला प्रहरी कार्यालय ओखलढुंगामा जाहेरी दरखास्त दिनुभएको थियो ।जाहेरी दर्ता भएपछी धमला फोन स्वीच अफ गरेर फरार रहेको प्रहरीले जनाएको थियो ।
फरार अभियुक्त धमला मंगलबार सिद्धिचरण नगरपालिका बाट पक्राउ गरिएको जिल्ला प्रहरीले कार्यालयका सुचना अधिकारी बलिस्टार सिँहले जानकारी दिनुभयो ।
९ गते मंगलबार जिल्ला अदालत ओखलढुंगाबाट हिरासतमा राखी अनुसन्धान गर्न ७ दिनको म्याद जारी भएको छ । अदालतको आदेशअनुसार अभियुक्त अध्यक्ष धमलालाई हिरासतमा राखी अनुसन्धान थालिएको प्रहरीले जनाएको छ ।
सोही वडाकी २५ वर्षिय पिडित महिलाका श्रीमान रोजगारीको सिलसिलामा विदेशमा रहनु भएको थियो । श्रीमान विदेश भएको मौकाछोपी अध्यक्ष धमलाले जबरजस्ती करणी गरेको महिलाले बताउनु भएको छ ।
अध्यक्ष धमलाले जागिर लगाइदिन्छु भनेर होटलमा बोलाई जबरजस्ती करणी गरेको जाहेरीमा उल्लेख गरिएको छ । अहिले पिडीतमहिलाका श्रीमान घरमा आइसक्नु भएको परिवारले जनाएका छन् । धमला गत स्थानिय चुनावमा नेकपा एमालेको तर्फबाट वडाअध्यक्षमा निर्वाचित हुनुभएको थियो ।
