उर्लाबारी, १९ कार्तिक। उर्लाबारी नगरपालिकाले जनतासँग जनप्रतिनिधि कार्यक्रम सुरु गरेको छ । नगरमा जनप्रतिनिधिबाट भए गरेका कार्यहरु बारेजनताहरुसँग छलफल गर्दै जनताका गुनासा र सुझाव लिने उद्देश्यले आजबाट कार्यक्रम सुरु भएको हो ।
आज उर्लाबारी–८ को बहादुरबाबा आधारभुत विद्यालयमा पहिलो कार्यक्रम सम्पन्न भएको हो । कार्यक्रममा स्थानीय बासिन्दाले कृषि, शिक्षा, स्वास्थ्य, पूर्वाधार विकासलगायतका विषयमा जिज्ञासा राखेका थिए । स्थानीयका जिज्ञासापछि बोल्दै नगरपालिकाका नगरप्रमुख गंगाप्रसाद खरेल, उपप्रमुख मीना खतिवडा पौडेल, वडाध्यक्ष कुलबहादुर कार्कीले जनताबाट आएका गुनासा र सुझावलाईआत्मसात गर्दै अगाडि बढ्ने बताउनुभयो । सो अवसरमा नगर प्रमुख खरेलले समृद्ध उर्लाबारी बनाउने अभियानमा नगरले अघि बढाएकायोजनाका बारेमा जानकारी गराउनुभएको थियो ।
कार्यक्रममा हाम्रो राजघाट टोल विकास संस्थाका अध्यक्ष सुरेश अधिकारी, पूर्व वडा सदस्यहरु अग्नि सुब्बा र लक्ष्मी ढुंगाना, स्थानीयखेमराज घिमिरे, निलम भट्टराई, सुरेश ठाकुर, बुद्धिलाल सोरेन, भक्तबहादुर खड्का, उदीमकुमार विक, प्रकाशकुमार लुइटेल, गणेशश्रेष्ठ, वीरेन्द्र मर्डीलगायतले जिज्ञासा तथा सुझाव राखेका थिए । आजबाट सुरु भएको कार्यक्रम नगरका ९ वटै वडाका विभिन्न टोलमासञ्चालन गरिने नगर प्रमुख गंगाप्रसाद खरेलले बताउनुभयो ।
