उर्लाबारी, ५ मसिर । मोरङको उर्लाबारी नगरपालिका–७ मा कार्तिक २६ गते लक्ष्मी पूजाको राति भएको आगलागी घटनाका गम्भिरघाइतेहरुलाई थप उपचारमा लैजान व्यवस्था मिलाउन कोशी प्रदेशसभा सदस्य शोभा चेम्जोङ पालुङ्वाले माग गर्नुभएको छ ।
प्रदेशसभाको शुन्य समयमा बोल्दै सांसद पालुङ्वा काठमाडौंस्थित कीर्तिपुर अस्पतालमा उपचाररतमध्ये गम्भीर अवस्थाका ८ जनाकोआईसीयूमा उपचार भइरहेको र उनीहरुलाई थप उपचारका लागि लैजान व्यवस्था मिलाउन उहाँले माग गर्नुभएको हो । आगलागीमा परीसम्पूर्ण घाइतेहरु शिघ्र स्वास्थ्य लाभको कामनासमेत गर्नुभएको छ । उहाँले घाइतेमध्ये उर्लाबारी–७ का ४३ वर्षीय तपन पण्डितकोउपचारका क्रममा मंगलबार बिहानका राति २ः४५ बजेतिर मृत्यु भएको जानकारी संसदमा गराउनुभएको छ । पण्डितको काठमाडौंस्थितकीर्तिपुर अस्पतालमा उपचार भइरहेको थियो ।
स्थानीय दीपक कार्कीले आफ्नै घरमा सञ्चालन गरेको स्नेहा सुनचाँदी पसलबाट राति १०ः३० बजेतिर अचानक आगलागी सुरु भएकोथियो । आगो निभाउन गएका ४ प्रहरी र २४ स्थानीय गरेर २८ जना घाइते भएका थिए । आगलागीबाट ३ करोड ४१ लाखभन्दा धेरैकोक्षति भएको छ । २४ जनाको कीर्तिपुर अस्पतालमा उपचार अहिले पनि उपचार भइरहेको छ भने उपचाररतमध्ये गम्भीर अवस्थाका ८जनाको आईसीयूमा उपचार भइरहेको छ । सम्पूर्णको खर्च सरकारले ब्यहोर्ने जनाइसकेको अवस्था छ ।
