उर्लाबारी, ११ चैत । मोरङको उर्लाबारी- ३ मंगलबारेमा आइतवार दिउसो आगलागी भएको छ ।
उर्लाबारी-३ स्थित पुणर्माया गिरीको गोठमा आगलागी हुदा गोठमा क्षति पुगेको ईलाका प्रहरी कार्यालय उर्लाबारीले जनाएको छ ।
दिउसो करिब २ः५५ बजे तिर गोठको धुरीमा आगोसहितको धुवा निस्कीएपछि स्थानियले आगो निभाउने प्रयास गरेका थिए ।
आगोको मुस्लो बढ्दै गएपछि स्थानियले बारुण यन्त्र र प्रहरीलाई खवर गरेका थिए।
स्थानियको खवर पाउना साथ घटना स्थलमा पुगेको उर्लाबारी नगरपालिका, पथरी शनिश्चरे नगरपालिकाको बारुणयन्त्र र नेपाल प्रहरी सहितको टोलीले करिव आधा घण्टाको प्रयासमा आगो नियन्त्रणमा लिएको थियो ।
आगलागीबाट गिरीको गोठमा भएको चिरान काठ र पराल डड्दा करिव १ लाख रुपैया बराबरको क्षति भएको ईलाका प्रहरी कार्यालय उर्लाबारीका प्रहरी निरिक्षक देवेन्द्र दासले बताए ।
यद्यपी आगलागिको कारण भने खुल्न नसकेको प्रहरीले जनाएको छ ।