लायन्स क्लबको आयोजनामा उर्लाबारीमा रक्तदान कार्यक्रम सम्पन्न भएको छ । सोमबार विहान उर्लाबारी-५ स्थित वाईबा मोवाईल पसलको प्राङ्गणमा आयोजित सो कार्यक्रममा १६ जना महिला र २४ जना पुरुषसहित जम्मा ४० जनाको सहभागीता रहेको लायन्स क्लव अफ उर्लाबारीका अध्यक्ष नितम चौहानले जानकारी दिए ।
लायन्स कलव अफ उर्लाबारीसहित लायन्स क्लव अफ इष्टर्न मोरङ्, लायन्स क्लव अफ आस्था उर्लाबारी र लायन्स क्लव अफ मधुमल्लाको संयुक्त आयोजनामा सम्पन्न सो कार्यक्रममा नेपाल रेडक्रस सोसाईटी उर्लाबारी उप-शाखाको प्राविधीक सहयोग रहेको थियो ।
कार्यक्रममा ३२५ सि एरिया ३ का जोन चेयर पर्सन सञ्जिव बुढाथोकी, एरिया ३ का कोअर्डिनेटर झमक काफ्ले, लायन्समा पुर्व अध्यक्षहरु नरेश थापा, कुमार श्रेष्ठ, रुपा श्रेष्ठ, भिमबहादुर तामाङ्, प्रलाद थापालगायतको उपस्थिती रहेको थियो ।
