पथरी, २९ बैशाख । भ्वाइस अफ नेपाल सिजन—५ का बिजेता बिनोद राईलाई रेडस्टार बोर्डिङले सम्मानित गरेको छ ।
सिजन-५ को विजेता बनेपछि बेलायत भ्रमणमा रहेका राई नेपाल आए सगै उनको कर्मथर्मलो रहेको पथरीशनिश्चरे नगरपालिकाको रेडस्टार बोर्डिङ स्कुल/ऋतम्भरा बहुमुखी क्याम्पसले राईलाई सम्मान गरेको हो ।
गायक राईले जुन होइन तारा होइन तिमि भएपुग्छ…, भुँइ सोहोरी ढोगे है…, जस्ता गित गाएर विद्यार्थी, अभिभावक र निमन्त्रित पाउनाहरुलाई मनोरञ्जन दिएका थिए ।
रेडस्टार बोर्डिङ स्कुलले शुक्रबार कक्षा—१२ का विद्यार्थीहरुलाई विदाइ, ऋतम्भरा बहुमुखी क्याम्पसको लागि स्वागत कार्यक्रमको आयोजना गरेको थियो ।
सोही क्रममा कार्यक्रमको प्रमुख अतिथी पथरीशनिश्चरे नगरका शिक्षा तथा खेलकुद समितिका सचिव अधिकृत नवीन खुलाले रेडस्टार सञ्चालकहरु शिक्षा बुझेका व्यक्तिहरु रहेको बताए । विद्यार्थीहरुले विदेशतिर मात्र ध्यान दिन नुहुने खुलालको भनाइ थियो ।
रेडस्टार बोर्डिङ स्कुलका प्रिन्सिपल/निर्देशक टि.एन. तिम्सिनाको सभापतित्वमा भएको कार्यक्रममा सहायक प्रिन्सिपन बसन्त मादेन लिम्बूले स्वागत गरेका थिए ।