पथरी, भदौ १४ । नेपालकी चर्चित नायिका एवम राप्रपा पार्टीकी नेत्री रेखा थापा मोरङ ३ बाट निर्वाचनमा उठ्ने भएकी छिन् ।
निर्वाचन आयोगले निर्वाचनको मिति मङ्सिर ४ गते तोकेसँगै सम्भावित उम्मेदवारको चर्चा हुन थालेको हो जसमा मोरङ क्षेत्र नम्बर ३ मा नेत्री थापाले संसदीय निर्वाचनमा उम्मेदवार बन्ने सम्भावना बढेको छ ।
राप्रपाको केन्द्रीय समेत रहेकी रेखा थापा आफ्नो गृह जिल्ला मोरङबाट उम्मेदवार हुने चर्चा सुरु भएसँगै मोरङ क्षेत्र नम्बर ३ लाई यो पटक रोचक ढङ्गले हेरिएको छ ।
थापाको गृह जिल्ला समेत रहेको मोरङबाट उनि निर्वाचनमा उठ्ने चर्चा सगै आज उनि कानेपोखरी गाउँपालिका स्थित पार्टीको एक कार्यक्रममा सहभागी हुन आउने भएकी छन् ।
