दिलीप पोखरेल/ उर्लाबारी
उर्लाबारी-३ मंगलबारेस्थित त्रिवेणी चोकमा उर्लाबारीकै सबैभन्दा ठूलो रङ्गोली बनाइएको छ । मंगलबारेको त्रिवेणी भजन किर्तन मण्डलीले मंगलबारे- सुनपकुवा- सिमसार सडकखण्डमा २५ फुट वर्गाकार क्षेत्रमा तयार गरेको उक्त रङ्गोली उर्लाबारीकै सबैभन्दा ठूलो रहेको भजन मण्डलीका अध्यक्ष माधव सुवेदीले दाबी गरे । सो रङ्गोली १३ जना स्थानियहरुले करिव ४ घण्टा समय लगाएर तयार गरिएको स्थानिय राजन सुवेदीले जानकारी दिए ।

उनका अनुसार सो स्थानमा विगत १७ वर्षदेखि नियमित रुपमा तिहारको अवसरमा ठूलो रङ्गोली बनाईदै आएको छ । यस्तै मण्डलीले हरेक वर्ष तिहार र होली पर्वको अवसरमा ठूलो आकारमा रङ्गोली बनाउदै आएको सुवेदीले जानकारी दिए ।