उर्लाबारी ३० जेठ । मोरङको उर्लाबारी ३ मा रहेको दुर्गा माबिलाई स्थानिय राम तिम्सिनाले जिन्सि सहयोग गर्नु भएको छ ।
सो वडाका पुर्व वडा सदस्य सोमप्रसाद तिम्सिना ‘राम‘ले दुर्गा विद्यालयलाई ४ थान सिलिङ पंखा हस्तान्तरण गरेका छन् ।
कक्षाकोठामा पंखाको अभाव भएसँगै पछिल्लो समय बढेको अत्याधिक गर्मीले विद्यार्थीहरुलाई पढाईमा असहज भएको बताउदै उनलेपठनपाठनलाई सहज बनाउन पंखा सहयोग गरेको बताए ।
यसअघि उनले आफु जनप्रतिनिधी निर्वाचित भएको समयदेखि नै विद्यालयलाई सहयोग प्रदान गर्दै आएका छन् । उनले आफ्नोसेवासुविधा वापत उक्त विद्यालयलाई १ लाख २५ हजार ५ सय रुपैयाँ नगद सहयोग गरेको जानकारी दिए ।
राम अहिले उक्त विद्यालय व्यवस्थापन समितीका सदस्य एवम् डिप्लोमा इन इन्जिनियरिङ् कार्यक्रम समितिका संयोजक समेत हुन् ।
यस्तै आजै उनले नर्सरीदेखि कक्षा १२ सम्मका कक्षाकोठाहरुमा नेम प्लेट टाँगेका छन् । उनी विद्यालयको शैक्षिक गुणस्तर वृद्धि गर्न लागिपरिरहेका छन् ।
नगरपालिकाको निर्देशन बमोजिम हाल उक्त विद्यालयमा बिहानी सत्रमा पठनपाठन हुदै आएको छ । दुर्गा मावि वडा नम्बर ३ को एकमात्रसामुदायिक विद्यालय हो ।
प्रतिक्रिया
सम्बन्धित खवर
