उर्लाबारी, ७ भदौ । मोरङको ईलाका उर्लाबारीमा रहेको ईलाका प्रहरी कार्यालयको नेतृत्व सम्हाल्न आएका प्रहरी निरिक्षक देबेन्द्र दासको स्वागतमा माननियहरुको भिड लागेको छ ।
जिल्ला प्रहरी कार्यालय ओखलढुंगाबाट सरुवा भएर उर्लाबारी ईलाकाको कमाण्ड सम्हाल्न आएका दासको स्वागतमा संघिय सरकारका पूर्व सासद घनश्याम खतिवडा, कोशी प्रदेशका बर्तमान सासद उमाकान्त गौतम देखी उर्लाबारी नगरपालिकाका मेयर गंगा प्रसाद खरेल, उपमेयर मिना पौडेल र एमाले नेता अग्नि भट्टराई सम्मले स्वागत गरेका छन् ।
उर्लाबारी ईलाकामा सरुवा भएर आएका नेपाल प्रहरीका अफीसर लेभलका कर्मचारीलाई सम्भवत यो नै पहिलो हेवि वेटको स्वागत तथा सम्मान भएको चर्चा चलेको छ ।
नगर प्रमुखको कार्यकक्षमा भएको स्वागत तथा सम्मान कार्यक्रमममा प्रहरी निरीक्षक दासलाई उच्च पदस्थ ओहोदामा रहेका माननियहरुले स्वागत गरेका थिए ।
स्वागतका क्रममा उर्लाबारी नगरपालिका मेयर खरेलले प्रहरी निरीक्षक दासलाई प्रहरीले नागरिकको जीउधनको सुरक्षा गर्न गर्ने भएकोले प्रहरी राम्रो भएमा मात्र समाज राम्रो हुने भन्दै कसैका प्रलोभन र आग्रहमा कर्तव्यच्युत नहुन आग्रह गरे ।
यस्तै कार्यक्रममा उर्लाबारी नगरपालिकामा भर्खरै सरुवा भएर आएका प्रमुख प्रशासकीय अधिकृत अर्जुन निरौलाको पनि उपस्थित रहेको थियो ।
