उर्लाबारी , ३ असोज । उर्लाबारी रन २०८० को उपाधि पुरुषतर्फ गोरखाका सञ्जय श्रेष्ठ र जुम्लाकी पूर्णलक्ष्मी न्यौपानेले जित्नुभएको छ।
संविधान दिवसको अवसरमा सामुदायिक विकास मञ्च उर्लाबारी–६ ले आयोजना गरेको १० किलोमिटर उर्लाबारी रनमा पुरुषतर्फ श्रेष्ठर महिलातर्फ न्यौपानेले उपाधि जित्नुभएको हो । पुरुषतर्फ श्रेष्ठले निर्धारित दुरी ३१ मिनेट ५४ सेकेण्डमा पार गर्नुभएको थियो । यस्तै, पुरुषतर्फ दोस्रो काठमाडौंका शिबहादुर रायमाझीले ३३ मिनेट १० सेकेण्ड र तेस्रो सुदुरपश्चिमका मोहनदेव जोशी ३३ मिनेट ५५सेकेण्डमा पार गर्नुभएको थियो ।

महिलातर्फ प्रथम हुनुभएकी न्यौपानेले ४० मिनेट ३९ सेकेण्डमा पूरा गर्नुभएको छ भने दोस्रो तरहराकी सचिना राईले ४६ मिनेट १० सेकेण्डर तेस्रो धरानकी छिङ्विमाया राईले ४७ मिनेट २ सेकेण्डमा पार गर्नुभयो । पुरुष र महिला खुलातर्फ प्रथम, दोस्रो र तेस्रो क्रमशः ३० हजार, १५ हजार र १० हजारसहित मेडल र प्रमाणपत्र प्रदान गरिएको छ बिजेता दुबै बिभागिए टिम   आर्मिका हुन ।
यस्तै, भेट्रान पुरुषतर्फ अर्जुनधाराका जयनरेश सिंह प्रथम, धरानका धनकुमार राई दोस्रो र उर्लाबारीका हेमन्त लावती हुनुभयो । भेट्रानमहिलातर्फ धरानकी जमुना लिम्बू प्रथम, उर्लाबारीकी चेतनु रार्ई दोस्रो र उर्लाबारीकै मञ्जु लिम्बू तेस्रो हुनुभयो । पुरुष र महिला भेट्रानदुबैतर्फ प्रथम, दोस्रो र तेस्रोले क्रमशः १० हजार, ७ हजार र ५ हजाररुपैयाँसहित मेडल र प्रमाणपत्र वितरण गरियो ।

यसैगरी, १६ वर्षमुनिका बालबालिकातर्फ ५ किलोमिटर दौडमा बालिकातर्फ भोजपुरकी विनिता राई प्रथम, उर्लाबारीकी पियुस राईदोस्रो, धरानकी सेहाङ राई तेस्रो र उर्लाबारीकी विनिता तामाङ चौंथो हुनुभयो । बालकतर्फ भने उजुरी परेकाले एक साताभित्र विजेताकोटुंगो लगाइने भएको छ । बालिकातर्फ विजेताहरुले क्रमशः ५ हजार, ४ हजार, ३ हजार, २ हजार र १ हजार रुपैयाँसहित मेडल रप्रमाणपत्र प्राप्त गर्नुभयो ।
त्यस्तै, १२ वर्षमुनिका बालबालिकातर्फ साढे ३ किलोमिटर दौडमा बालिकातर्फ भोजपुरकी जुडी राई प्रथम, भोजपुरकै रस्मी राई दोस्रो, उर्लाबारीकी मिस्यु धिमाल तेस्रो र उर्लाबारीकी मिना मुर्मु चौंथो हुनुभयो । बालकतर्फ भने यसमा पनि उजुरी परेकाले उपाधिकोछिनोफानो नलागेको आयोजक समितिका संयोजक घनेन्द्रप्रसाद दुलालले पूर्वी कमाण्ड मिडियालाई जानकारी दिनुभयो । बालिकातर्फविजेताहरुले क्रमशः ४ हजार, ३ हजार, २ हजार र १ हजार रुपैयाँसहित मेडल र प्रमाणपत्र प्राप्त गर्नुभयो । विजेताहरुलाई कार्यक्रमकाप्रमुख अतिथि उर्लाबारी नगरपालिकाका नगर प्रमुख गंगाप्रसाद खरेल, उपप्रमुख मिना खतिवडा पौडेल, राजनीतिक दलका स्थानीयप्रमुखहरुले पुरस्कार तथा प्रमाणपत्र वितरण गर्नुभएको थियो । उर्लाबारी रनलाई सफल बनाउन सहयोग पु¥याउने सबैलाई आयोजकसामुदायिक विकास मञ्चका अध्यक्ष प्रेम बोहोराले धन्यवाद ज्ञापन गर्नुभएको छ । कार्यक्रम संयोजक घनेन्द्रप्रसाद दुलालकोसभापतित्वमा भएको उक्त कार्यक्रममा उर्लाबारी नगरपालिकाका प्रमुख खरेल, उपप्रमुख खतिवडा, उर्लाबारी वडा नं. ६ का वडाध्यक्षचिन्तामणि पौडेल, नेपाली कांग्रेस उर्लाबारीका सभापति सुरेन्द्र लिम्बू, सिद्धार्थ एग्रिगेट प्रा.लि.का अध्यक्ष सचिन शाक्य, स्वास्थ्यकर्मीबालचन्द्र सुब्बालगायतले बोल्नुभएको थियो ।