उर्लाबारी, १ मसिर । मोरङ क्षेत्र नं. १ का प्रतिनिधिसभा सदस्य, युवा तथा खेलकुदमन्त्री डिगबहादुर लिम्बूले मोरङको उर्लाबारीमाआगलागी हुँदा घाइतेहरुको स्वास्थ्य अवस्थाका बारेमा जानकारी लिनुभएको छ ।
शुक्रबार घाइतेहरूको अवस्था बुझ्न कीर्तिपुर अस्पताल पुग्नुभएका मन्त्री लिम्बूलाई उपचारमा खटिनुभएका चिकित्सिकहरुले घाइतेकोस्वास्थ्य अवस्थाका बारेमा जानकारी दिएका थिए । उपचाररत २५ मध्ये ७ जनाको अवस्था गम्भीर रहेको अस्पतालका डाक्टर निजिनाताम्राकारले बताउनुभयो । डा. ताम्राकारले चिकित्सकहरू घाइतेको उपचारमा लागिरहेको बताउनु भयो ।
घाइतेको अवस्था बुझ्न अस्पताल पुग्नुभएका मन्त्री लिम्बूले अमेरिकाबाट थप चिकित्सकको टोली मगाएर घाइतेको उपचार गराउनेप्रक्रिया सुरु गरिएको बताउनुभयो । उहाँले अमेरिकाबाट आइतबारसम्म चिकित्सक आइसक्ने र थप उपचार थाल्ने जानकारी गराउनुभयो। डा. ताम्राकारले सरकारले घाइतेको जीवन रक्षाका लागि आवश्यक सबै काम र सहयोग गर्ने प्रतिबद्धता जनाउनु भयो ।
गत कात्तिक २६ गते मोरङको उर्लाबारी–७, बरगाछीस्थित दीपक कार्कीको घरमा आगलागी हुँदा निभाउन गएका चार प्रहरीसहित २८जना घाइते भएका थिए । तीमध्ये २५ जनालाई नेपाली सेनाको विमानमार्फत काठमाडौँ ल्याइएको थियो ।