उर्लाबारी वडा नम्बर ३ मंगलबारेस्थित हाम्रो टोलको श्री बज्रङ्ग नवग्रह ज्योतिष परामर्श सेवा भरपर्दो बन्दै आएको छ । विगत १० वर्षदेखी हाम्रो टोलस्थित आफ्नै निवासमा परामर्श सेवा संचालन गर्दै आएका ५५ वर्षिय आचार्य गणेश प्रसाद न्यौपाने आफ्नो सेवाप्रति सेवाग्राहीहरु शत प्रतिशत सन्तुष्ट बन्दै आएको बताउछन् ।
वि.सं.२०४५ सालदेखी ज्योतिषशास्त्र पेशा अंगालेका न्यौपानेले हालसम्म करिव ७० हजार जना सेवाग्राहीलाई सेवा प्रदान गरेको बताउछन् । “मैले भारतमा बस्दा करिव ६५ हजार भन्दा बढिलाई सेवा दिएको थिए भने यहाँ घरमा समेत ५ हजार भन्दा बढिलाई सेवा दिएको छु । उहाँहरुको दोष 
निवारण गरेको छु ।” न्यौपाने बताउछन् ,” मैले धेरैजसो अहिले भर्चुअल माध्यमबाट सेवा दिई रहेको छु , धेरै जसो सेवाग्राहीहरु विदेशी मुलुकमा हुनुहुन्छ ।”
यस्तै आचार्य न्यौपाने आफ्ना धेरै जसो सेवाग्राहीहरु भारतबाट आउने बताउछन् । उनी भन्छन्,” म लामो समय भारतमा बसेर ज्योतिष परामर्श सेवा दिए । त्यसैले पनि धेरैजसो मेरो घरमै आउनुहुन्छ ,कोहि फोनबाटै सेवा लिनुहुन्छ ।”
आफ्नो स्वर्गीय पिता जगन्नाथ न्यौपानेबाट सामान्य ज्योतिष विज्ञान सिकेका आचार्य न्यौपानेले भरातको दिल्लीस्थित महर्षी वेद विज्ञान विद्यापीठबाट ४ वर्ष अध्ययन गरेका थिए । यस्तै उनले युपीको वृन्दावनस्थित ब्रह्मनिवास महाविद्यालयमा ७ वर्षको कोर्ष पुरा गरि शास्त्री उत्तीण भई उक्त महाविद्यालयमै २ वर्षे आचार्य कोर्ष अध्ययन गरेको न्यौपाने बताउछन् । साथै उनले गाँजीयावादका एक तान्त्रीक गुरुबाट तन्त्र विद्याको समेत ज्ञान लिएको बताए ।
उनी अहिले हरेक दिन विहान र साँझ सेवाग्राहीहरुको भविष्यवाणी गर्ने, चिना हेर्न र ज्योतिष परामर्श दिने कार्यमा व्यस्त भेटिन्छन् ।
न्यौपानेले हरेक दिन भागवत प्रवचन, पूजाआरधाना, ज्योतिष परामर्श सेवा, हस्त रेखा भविष्यवाणी, मन्त्रद्वारा दोष निवारण, ग्रहदशा शान्ति, देखिएका वाधाविघ्न विभिन्न तन्त्र विद्याद्वारा समाधान गर्नेलगायत चिना हेरेर उचित परामर्श दिई मांगलिक दोष र कालसर्प दोष निवारण गराइदिने सेवाहरु प्रदान गर्दै आएका छन् ।
उनले हरेक दिन विहान ७ बजेदेखी ११ बजेसम्म र दिउसो २ बजेदेखी साँझ ५ बजेसम्म उक्त सेवाहरु सुलभ रुपमा दिदै आएका छन् ।
यता उनलाई यस्तो त केवल भ्रम मात्र होला, यो विज्ञानको पछाडि लाग्नु वेकार त होईन नि भन्ने सवालमा आचार्य हाँस्दै भन्छन् ,” ज्योतिष एक प्रकारको विज्ञान हो, जुन हजारौँ वर्षदेखी चलिआएको धर्मशास्त्रसँग सम्बन्धित छ । यो अहिलेको आधुनिक विज्ञान समेत ज्योतिष विज्ञान अध्ययन गरेर अघि बढ्दै गरेको छ । ग्रहले मानवलाई फल दिने हो, ग्रहको स्वभावसँग मिल्ने व्यक्तिको स्वभाव हुन्छ । यसलाई वैदिक मन्त्रद्वारा नियन्त्रण गरि व्यक्तिमा देखिएको दोषलाई निवारण गराई लाभ फल प्रदान गराउन सकिन्छ।”
यस्तै उनले विश्वास गरेर सेवा लिन आउने सेवाग्राहीलाई उचित परामर्शसहित शुभ ग्रह फल औँल्याई उचित मार्गदर्शन गरिने बताए । साथै उनले सोहिअनुसार कार्य गरेमा ९० प्रतिशत सकारात्मक नतिजा आउने दाबी गरे ।
यस्तै उनले ज्योतिष विज्ञानमा विश्वास गरि उचित परामर्श लिने सोचमा हुने महानुभावलाई आफुसँग निर्धक्क भइ सम्पर्क गर्न सकिने बताएका छन् । उनले भौतिक रुपमा उपस्थित हुन नसक्ने सेवाग्राहीलाई ९८०४३७७७५० नम्बरमा सम्पर्क गरि भर्चुअल माध्यमबाट सेवा दिने बताएका छन् ।
